1.手下留情
作詞：白進法
作曲：陳泰山
咱的這段情
為何袂凍走到最後
害阮的心肝為情困擾
你將愛當作需要
若無甲意就丟掉
對你阮死心
緣分已經看透
啊！無情的人總有離開阮的藉口
啊！無情的人的你的愛半點無留
阮的心既然落在你的手頭
珠淚只有吞落喉
不願阮的後悔愈來愈厚
阮的心已經落在你的手頭
欲反悔也已經無效
請你手下留情乎阮來走
2.阮想欲飛
作詞：霏霏
作曲：廖偉志
天這大地這闊心嘛無地住
阮親像一粒沙
留置風中的虛華
唱著別人愛的歌
袂凍改變命運的詛咒
無色的花頭犁犁
擺著寂寞的姿勢
落地魂魄誰人收回
阮想欲飛想欲飛等無人來陪
若是青春已經無慾聽阮的話
啊！女人的感情著剩這多
隨在你來提
3.憨憨為你等
作詞：李克明
作曲：徐嘉良
愛我愛到這 我愛你是用性命
你叫阮按怎講乎你聽
愛我愛到這 我愛你愛甲無命
甘講你要我對天詛咒
心肝憨憨為你等 憨憨看袂破
當作感情是註定
害我三魂七魄對你行
死也不知痛
心肝憨憨為你等 憨憨看袂破
相信你袂欺騙我
甘講愛你就要犧牲我
你才會快活是為按怎
4.感情的玩物
作詞：鄭志明
作曲：鄭志明
用心計較對待你
外多犧牲攏願意
到如今才知影
愛情是痛苦的陷阱
想欲問你的心
對叼來對叼去
甘講咱的情份要對頭開始
你的目瞅內有伊
沒看到阮的心碎
到如今才知影
我惦你的心內的地位
哪親像一陣煙
愛已經隨風去
送乎阮的手指
已經沒意義
女人不是感情的尪仔物
嘛有拒絕的權力
事到如今甘願放你去
愛恨已經無所謂
女人不是感情的尪仔物
袂凍由在你淩遲
若是有心好好對待伊
你我過去的情份
無需要提起
5.鐵枝路的兩條線
作詞：黃必文／楊弘任
作曲：黃必文／陳文鈺
你甲我是鐵枝路的兩條線
雖然這呢偎也只會凍相對看
冷冰冰是鐵枝路的兩條線
今世無緣猶原只有相對看
什咪款的悲歡離合無經過
什咪款的恩怨情仇不曾看
世情的風雨陣陣潑
看袂出這條路欲到叨位才會煞
你甲我是鐵枝路的兩條線
今世無緣永遠只有相對看
6.沒伴
作詞：鄭志明
作曲：鄭志明
今夜的心情亂紛紛
等你的電話到天光
想要講一句愛你
已經是夢醒的時袸
阮的心沒有人來停睏
請問你愛我有幾分
所講的永遠有外長
秋風的輕聲細語
當作你對阮的溫存
甘願用思念換青春
身邊沒人來作伴
月娘啊！請你越頭看
將阮思念伊的心
偷偷來講乎知影
身邊沒人來作伴
你甘有想要越頭看
心若是沒人來疼
袂凍行相偎
甘願一世人沒伴
7.情深緣薄
作詞：黃永發
作曲：張祐奇
雲惦風中散 飄來飄去到底為按怎
甘是對愛已經全無望
這場戀夢註定分西東
夢是心中鏡
清清楚楚照著阮的痛
重重疊疊是你的形影
每日為愛為情心袂定
這個冷冷暖暖的世間
甘有永永遠遠的美夢
是阮愛著無情人
真心癡情夢醒一場空
這個恩恩怨怨的世間
愛是起起落落的希望
情深緣薄誰甘願誰甘願
8.石頭心
作詞：謝順福
作曲：謝順福
真心的等待 等無你的愛
換來的結果 是悲哀
看無你的人 暗暗流目屎
你我感情的將來 已經知
石頭心 這呢硬 不管阮的一生這不幸
風無情 雨無情 放阮孤鳥無巢哮袂停
石頭心 這呢硬 無情糟蹋可憐的真情
看袂清 阮前程 茫茫渺渺心酸過一生
9.愛你是我的快樂
作詞：李小萍
作曲：廖偉志
感情的指數直直落
你我的緣分漸漸薄
花謝若落土嘛有記號
怎樣放阮鎖在夢中
找無一條路
不驚陣陣風
等無你的心袂流浪
惦你心目中伊比我卡好
會凍乎你愛的感動
是我太糊塗
找無一條路到當初
惦我一生中你是我的理想
不管你對我甘有好
堅持愛你是我的快樂
10.我嘛不知
作詞：鄭進一
作曲：鄭進一
為何你的心內一直不知
不知我對你情深似海
我真心將你愛擱用心來對待
希望有幸福的將來
為何我的心裡一直不知
不知我甘是你的最愛
想到你的對待有時好有時醜
是悲哀是無奈
誰叫我千不該萬不該頭一擺
沒真正想看麥著愛甲這厲害
墮落苦海 你我的愛情世界
要擱流外多目屎 我嘛不知
| 
-手下留情.jpg)